Wednesday, May 29, 2013

नेपाली क्रिकेटको लोभलाग्दो उपलब्धि

कहि मध्यरात भएको छ, कहि दिउँसै छ ।

विश्व क्रिकेट लिग डिभिजन ३ अन्तर्गत समूह चरणको अन्तिम खेलमा अमेरिका र आयोजक बर्मुडा खेल्दै छन । अमेरिकाले हार्दा नेपालको भाग्य खुल्नेवाला छ । बर्मुडाले कति ओभरभित्र अमेरिकालाई हरायो भने नेपाल अघि बढ्छ भनेर तयार पारेका समिकरण फेसबुक र ट्वीटरमा छ्याप्पछ्याप्ती शेयर भईरहेका छन् । नेपाली क्रिकेटलाई माया गर्नेहरु आँखा झिमिक्क नपारी कम्प्यूटर र मोवाईलको स्किनमा क्रिकइन्फो, फेसबकु, ट्वीटरलाई रिफ्रेस गर्दैछन् । केही सेकण्डमात्र स्कोर अपडेट नहुने बित्तिकै मुटुको धड्कन बढ्न थाल्छ, चिटचिट पसिना आउन थाल्छ अनि नङ टोकाईको गति बढ्न थाल्छ । २-४ बलमा रन नबन्ने बित्तिकै लौ खत्तम भयो, हार्ने भईयो भनेर आतित्दै लेखिएका फेसबुक स्टाटस र ट्वीटले टाईमलाईन भरिन्छ । अर्को २-४ बलमा चौंका छक्का हान्ने बित्तिकै खुशी भरिएका स्टाटस र ट्वीट टाईमलाईनभरी छरिन्छन् । 
 

पीपलचौर [pipalchour] Copyright © 2011 | Powered by Blogger Templates